Grýzııadaǵy narazylyq aktsııasy kezinde taǵy 24 adamdy ustady

TBILISI. KAZINFORM – Tbılısı ortalyǵynda keshegi narazylyq aktsııasy kezinde taǵy 24 adam ustaldy. Bul týraly Grýzııanyń ishki ister mınıstrligi habarlady, dep jazady Report-tyń Grýzııalyq bıýrosy.

Osylaısha, el astanasynda tórt kún ishinde usaq buzaqylyq pen polıtsııaǵa baǵynbaǵany úshin ákimshilik qamaýǵa alynǵandar sany 224-ke jetti.

Qylmystyq isti tergeý aıasynda taǵy eki adam ustalǵan. Tergeý anyqtaǵandaı, 29 qarashada olardyń biri parlament ǵımaratyna tutandyrǵysh zat laqtyryp, úı-jaılardyń birinde órt shyqqan, ekinshisi polıtseıdi pırotehnıkalyq zattarmen jaraqattaǵan.

Ustalǵandar 17 jasta jáne 21 jasta. Sońǵysy buryn birneshe ret sottalǵan. Olar 7 jylǵa deıin bas bostandyǵynan aıyrylýy múmkin.

Grýzııalyq BAQ oppozıtsııalyq «Gırchı – kóbirek bostandyq» partııasynyń tóraǵasy Zýrab Djaparıdzeniń ustalǵanyn habarlady.

Aıta keteıik, buǵan deıin Tbılısıdegi sherýdiń úshinshi kúninde 44 adam jaraqat alǵanyn jazǵan edik.