Grýzııada jyldyq ınflıatsııa 0,3 paıyzdy qurady

ASTANA. KAZINFORM — Grýzııada 2024 jyldyń aqpan aıynda jyldyq ınflıatsııa 0,3 paıyzdy qurap, ótken aımen salystyrǵanda tutyný baǵasy 0,04 paıyzǵa tómendegen. Bul týraly dúısenbide eldiń Ulttyq statıstıkalyq qyzmeti habarlady, dep jazady Sınhýa agenttigi.

Vedomstvonyń málimetinshe, aqpan aıynda bazalyq ınflıatsııa ótken jyldyń sáıkes kezeńimen salystyrǵanda 2,6 paıyzdy qurady.

Jyldyq ınflıatsııanyń qalyptasýyna azyq-túlik jáne alkogolsiz sýsyndar baǵasynyń tómendeýi áser etti. Bul toptaǵy baǵalar 3,5 paıyzǵa tómendedi.