Grýzııada narazylyq aktsııasy kezinde 37 adam ustaldy

TBILISI. QazAqparat – Grýzııa polıtsııasy Tbılısı ortalyǵynda Grýzııa parlamentiniń ǵımaratynyń aldynda ótken narazylyq aktsııasyn taratý kezinde 37 adamdy ustady. Bul týraly Bul týraly QazAqparat newsgeorgia.ge silteme jasap habarlaıdy.

Dúısenbi kúni arnaıy qyzmet qyzmetkerleri parlamentke kiretin barlyq kireberisterdi qorshap alǵan búlikshilerdi taratty. Narazylyq bildirýshilerge kózi jasaýratatyn gaz qoldanyldy. Qazirgi ýaqytta parlamentke kiretin barlyq esikter ashyq tur, Shota Rýstavelı dańǵylyndaǵy avtomobıl qozǵalysy qalpyna keltirildi.

«18 qarashada, parlament ǵımaratynyń aldyndaǵy aktsııa kezinde ІІM «Quqyq qorǵaý organdarynyń zań talaptaryn oryndamaýy» jáne «Usaq buzaqylyq» baptary boıynsha barlyǵy 37 adamdy ustady», - delingen agenttik málimetinde.

Mınıstrlik narazylyq aktsııasyn taratý kezinde tórt adamnyń zardap shekkenin habarlady. Onyń ekeýi – polıtseı. Barlyq zardap shegýshiler aýrýhanaǵa jetkizildi.

Aıta ketsek, oppozıtsııa men azamattyq belsendiler 14 qarashada merzimi shektelmegen narazylyqtardyń bastalǵanyn jarııalady. Aktsııanyń órshýine Grýzııa parlamentiniń parlamenttik saılaýdy nóldik saılaý shegi bar proportsıonaldy júıe boıynsha 2020 jyly ótkizýdi kózdeıtin konstıtýtsııalyq túzetýler boıynsha daýys berýdi qoldamaýy sebep boldy.

Bastamany qaraý úshin 150 depýtattyń 113 daýysy qajet edi. Daýys berý barysynda ózgeristi 101 depýtat qana qoldady. «Grýzııa armany» partııasynyń úsh depýtaty qarsy bolsa, 39-y daýys berýden bas tartty.