Grýzııada bir táýlikte úsh márte jer silkindi

NUR-SULTAN. QazAqparat – Grýzııanyń batysynda magnıtýdasy 3.5 ball jer silkinisi boldy. Bul týraly QazAqparat Grýzııa jańalyqtary saıtyna silteme jasap habarlaıdy.

Jerasty dúmpýi 4 qarasha kúni, Tbılısı ýaqytymen saǵat 23:57-de tirkelgen. Zilzala aýdan ortalyǵy Onıden (Racha-Lechhýmı jáne Kvemo Svanetı aımaǵy) ońtústikke qaraı 9 shaqyrym jerde bolǵan.

Tereńdigi – 12 shaqyrym. Qıraǵan ǵımarattar týraly aqparat kelip túsken joq.

Sońǵy táýlikte Grýzııanyń batysynda úsh jer silkinisi boldy.

Saǵat 18:04-te jáne 18:05-te aýdan ortalyǵy Onıdiń mańynda jáne Sahchere qalasyna (Imeretııa aımaǵy) jaqyn jerde magnıtýdasy 3.5 jáne 3.6 jerasty dúmpýi tirkelgen.