Grýzııa parlamentinde Mıhaıl Kavelashvılı prezıdenttik ant qabyldady

Ulyqtaý rásimi parlament májilis zalynda ótti. Buǵan deıin prezıdenttiń ınaýgýratsııalary zań shyǵarýshy organnyń aýlasynda ǵana ótetin, dep habarlaıdy NGnewsgeorgia.

Saltanatty sharaǵa saılaýshylar alqasynyń músheleri – depýtattar, jergilikti ózin-ózi basqarý organdarynyń, Adjar Avtonomııalyq Respýblıkasy men Abhazııanyń joǵary keńesteriniń, Grýzııa Úkimetiniń músheleri, konstıtýtsııalyq organdar men Grýzın pravoslavıe shirkeýiniń ókilderi qatysty. Parlament saraıyna qurmetti tóraǵa, «Grýzın armanynyń» negizin qalaýshy Bıdzına Ivanıshvılı de keldi.

Kavelashvılı Konstıtýtsııanyń arnaıy basylǵan kóshirmesi boıynsha ant berdi.

«Jyldar, ondaǵan, tipti júzdegen jyldar ótedi, jáne bul barlyq prezıdentter ant beretin túpnusqa bolady», - dep málimdedi parlament spıkeri Shalva Papýashvılı.

Saltanatty sharada ulttyq ánurandy Qasıetti Troıtsa soborynyń hory men «Martve» ansambli oryndady.

Esterińizge sala keteıik, 14 jeltoqsanda Grýzııada prezıdent saılaýy ótti.

Grýzııanyń Ortalyq saılaý komıssııasy daýystardy sanaý qorytyndysy boıynsha Grýzııanyń altynshy prezıdenti bolyp bıliktegi «Grýzın armany – Demokratııalyq Grýzııa» partııasynyń kandıdaty, parlamenttiń burynǵy depýtaty Mıhaıl Kavelashvılı saılanǵanyn habarlady.