Gretsııa 12 jyldan soń nesıe berýshi uıymdardyń baqylaýynan alyndy
Bul týraly QazAqparat Euronews. agenttigine silteme jasap habarlaıdy.
Kırıakos Mıtsotakıs úkimetiniń endi bıýdjetti retteý men jańa daǵdarystarmen kúrestegi múmkindikteri keńeıe túspek.
«Sońǵy 3 jylda atqarylǵan is 12 jyl boıy jalǵasyp kele jatqan synaqqa degen jaýap boldy. Bul bizdi osyǵan deıin bastan keshirip kelgen qıyndyqtardan qutqarady. Osyǵan deıingi qalyptasqan jaǵdaı bizdiń sana-sezimimizdi ózgertti. Endi aqıqat pen naqty sheshimderdi serik etip, tek qana alǵa jyljý kerek. Jalǵan sóıleý men shyndyqqa qarsy turý bolmaý kerek. Bul jolda qatelikter bolǵan shyǵar, bul sheshim qate emes», -dedi Gretsııanyń Premer-Mınıstri Kırıakos Mıtsotakıs.
Gretsııa bankrotqa ushyraýdan qaýiptenip, Eýropa Odaǵynan 2010 jyly kómek surady. Sol ýaqyttan beri Afıny qarjylyq qoldaýdyń úsh paketin paıdalanyp, nesıe berýshilerdiń talaby boıynsha qatań únemdeýge kóshken. Gretsııanyń daǵdarystan ótkeni týraly resmı túrde 2018 jyly jarııalandy. Nesıeler 2070 jylǵa deıin jabylýy kerek.