Grantqa qujat tapsyrǵandardyń deni qaı mamandyqty tańdady

ASTANA. QazAqparat - Ǵylym jáne joǵary bilim mınıstrligi eki kún ishinde grant konkýrsyna talapkerlerden 30 myńnan astam ótinish kelip túskenin málimdedi, dep habarlaıdy QazAqparat.

Talapkerlerdiń tańdaýy ishinde eń suranysqa ıe baǵyty retinde «Pedagogıkalyq ǵylymdar» qalyp otyr, oǵan 8 myńǵa jýyq oqýǵa túsýshi qujat tapsyrǵan.

Ekinshi orynda ornalasqan «Injenerlik, óńdeý jáne qurylys salalaryna» 6 myńnan astam ótinish qabyldandy. Qyzyqty top-3 baǵytqa «Aqparattyq-kommýnıkatsııalyq tehnologııalar» baǵyty kirdi. 5 myńǵa jýyq adam IT salasyna túsýdi josparlap otyr.

«Bilim berý granttaryn taǵaıyndaý konkýrsyna ótinishter qabyldaý 20 shildege deıin júrgiziledi. Qujattardy qabyldaý eGov arqyly onlaın formatta nemese joo-lardyń qabyldaý komıssııalary arqyly oflaın formatta júzege asyrylady. Sondaı-aq, JOO-da vırtýaldy qabyldaý komıssııasy jumys isteıtin bolady. Qujattardy kez kelgen joo (ornalasqan jeri boıynsha) arqyly tapsyrýǵa bolady»,- delingen mınıstrlik málimetinde.

Esterińizge sala ketsek, 135 myń adam UBT-da shekti ball jınaǵan, olar grant konkýrsyna qatysa alady.