Grant alyp berýdi ýáde etip, ondaǵan adamnyń 30 mln teńgesin ıemdengen alaıaq qamaldy

ASTANA. QazAqparat – Atyraýlyq polıtseılerdiń anyqtaýynsha, áıel adam «kásipkerlikti damytý úshin tegin grant qarajatyn alyp beremin» dep, 25 azamatty aldaǵan. Bul týraly QazAqparat polisia.kz telegram kanalyna silteme jasap habarlaıdy.

Tekserý barysynda kúdikti 31 jastaǵy Almaty oblysynyń týmasy ekeni belgili boldy. Ol 2022 jyldyń mamyry men 2023 jyldyń qańtary aralyǵynda ózine senip qalǵan adamdardyń 30 mln teńgesin ıemdengen. Aıyptalýshynyń buryn da dál osyndaı alaıaqtyq qylmysyn jasap, sotty bolǵany anyqtaldy.

Qazirgi ýaqytta kúdikti qamaýda. Atalǵan derek negizinde QR QK-niń 190-baby 3-bóligimen sotqa deıingi tergep tekserý bastaldy.