Pavlodarda avtobýs júrgizýshisi jolda telefonmen sóıleskeni úshin aıyppul arqalady
PAVLODAR. KAZINFORM — Pavlodarda avtobýs júrgizýshisi júrip kele jatyp beıneqońyraýmen sóıleskeni úshin aıyppul arqalady
Oblys ortalyǵyndaǵy avtobýstardyń birinde júrgizýshi rýlde kele jatyp, uıaly telefon arqyly beınekonferentsııa ótkizgen. Telefonǵa jıi qaraǵyshtap jolaýshylardyń qaýipsizdigine qaýip tóndirgen.
- Kún saıyn avtobýstardyń, marshrýtkalardyń jáne tramvaılardyń júrgizýshileri telefonǵa alańdap, jolaýshylardyń ómirin qaterge tigetinin kóremiz. Jaqynda qala turǵyndarynyń biri avtobýsta kele jatyp júrgizýshiniń rýlde otyryp beınekonferentsııa ótkizgenin kórgen. Ol daýys kótere sóılesip, qatty kúlgen. Jolaýshylar óz ómirleri úshin alańdaǵandaryn aıtady, – dep habarlady óńirlik polıtsııa departamentinen.
Polıtsııa qyzmetkerleri quqyq buzýshyny anyqtap, ákimshilik jaýapkershilikke tartqan. Tártip saqshylarynyń aıtýynsha, jyl basynan kólik júrgizý kezinde smartfon paıdalanǵany úshin 2360 júrgizýshi jaýapkershilikke tartylǵan.
Eske sala keteıik, Pavlodarda avtobýs pen jeńil kóliktiń soqtyǵysýynan 7 adam zardap shekti