Gonkongtaǵy alapat órt: 13 adam qamaýǵa alyndy

ASTANA. KAZINFORM — Gonkong polıtsııasy Wang Fuk Court turǵyn úı kesheninde bolǵan iri órtten keıin qastandyqpen óltirmeý degen kúdikke ilingen 13 adamdy tutqyndady, dep habarlaıdy Sınhýa aqparat agenttigi. 

Keshennen alynǵan jıyrma qurylys tory úlgileriniń jeteýi órtke tózimdilik standarttaryna sáıkes kelmedi. Aldyn ala zertteý qorytyndylary bul tor betteriniń tez tutanatyn polıýretandy kóbikpen birge órttiń tez taralýyna sebep bolýy múmkin ekenin kórsetip otyr. 
Gonkong ákimshiliginiń basshysy Djon Lı seısenbi kúni sýdıa basqaratyn táýelsiz komıssııa qurylyp, jan-jaqty tergeý júrgizip, oǵan qatysy bar barlyq adamdardyń jaýapkershiligin anyqtaıtynyn málimdedi.

Onyń aıtýynsha, órtte 150-den astam adam qaza taýyp, taǵy 79 adam jaraqat alǵan. Polıtsııa iz-túzsiz joǵalǵan 30-ǵa jýyq adamdy áli kúnge deıin izdestirip otyr. 

Buǵan deıin Gonkongta sońǵy jetpis jyldaǵy eń iri órt oqshaýlanǵanyn jazǵan bolatynbyz. 
Aldyn ala boljam boıynsha, Gonkongtaǵy turǵyn úı keshenindegi apatqa bambýktan jasalǵan qurylys baǵanalaryna tastalǵan shylym sebep bolýy múmkin. 

Sondaı-aq Gonkong polıtsııasy 26 qarashada Taı Po turǵyn úı kesheninde bolǵan iri órt kezinde habar-osharsyz joǵaldy dep sanalǵan tizimindegi 159 adamnyń qaýipsizdigin rastaǵanyn jazdyq.