Golovkınniń promoýteri koronavırýs juqtyrdy

NUR-SULTAN. QazAqparat – Qazaqstandyq boksshy Genadıı Golovkınniń so-promoýteri Eddı Hırnniń koronavırýsqa tapsyrǵan testi oń nátıje kórsetti, dep habarlaıdy QazAqparat Sports.kz saıtyna silteme jasap.

4 qazanda Mılton-Kınsta (Ulybrıtanııa) ótetin Djoshýa Býatsı (12-0, 10 KO) — Marko Chalıch (11-0, 6 KO) jekpe-jeginiń baspasóz konferentsııasy bastalmas buryn Hırn koronavırýsqa test tapsyrǵan. Test nátıjesi belgili bolǵannan keıin promoýter úıine jiberilgen. Ol biraz ýaqyt oqshaýlanatyn bolady.

Aıta ketsek, 38 jastaǵy qazaqstandyq Genadıı Golovkınge 21 qarashada sharshy alańǵa oralyp, polshalyq Kamıl Sheremetamen jekpe-jek ótkizýi tıis.