Golovkın – Mýrata aıqasy 200-den astam elde kórsetiledi

NUR-SULTAN. QazAqparat – 9 sáýir kúni qazaqstandyq boksshy Gennadıı Golovkın (41-1-1, 36 KO) japondyq Rıota Mýratamen (16-2, 13 KO) jekpe-jek ótkizedi, dep habarlaıdy QazAqparat Sports.kz saıtyna silteme jasap.

Kezdesý Japonııanyń Saıtama qalasynda ótedi.

Aıqas DAZN platformasyndaǵy álemniń 200-den astam elinde tikeleı kórsetiledi (Japonııa, Ońtústik Koreıa jáne Qazaqstannan basqa).

Golovkın – Mýrata jekpe-jegin Qazaqstannyń qaı telearnasy kórsetetini ázirge belgisiz.

Sondaı-aq DAZN translıatsııasy Sıngapýr, Malaızııa, Taıland, Indonezııa, Gonkong, Makao, Mońǵolııa jáne Fılıppın elderinde eksklıýzıvti bolmaıdy.

Eske salaıyq, qazir Gennadıı Golovkın komandasymen birge Japonııada júr. Ony jýrnalıster men fanattar áýejaıdan ystyq yqylaspen kútip aldy.

Boksshylar orta salmaqtaǵy WBA Super, IBF jáne IBO nusqalary boıynsha chempıondyq tıtýldar úshin judyryqtasady.