Gollıvýd akteri Chak Norrıs qaıtys boldy
ASTANA. KAZINFORM — Chak Norrıs 86 jasqa qaraǵan shaǵynda qaıtys boldy, dep habarlaıdy BILD.
Bul aqparatty onyń Instagram paraqshasynda otbasy músheleri jarııalady.
— Bizdiń otbasymyz Chak Norrıstiń keshe tańerteń kenetten qaıtys bolǵanyn habarlaıdy. Álem úshin ol jekpe-jek sheberi, akter ári shytyrman oqıǵaly fılm keıipkeri. Al biz úshin ol adal kúıeý, súıikti áke jáne ata, keremet aǵa jáne otbasymyzdyń júregi boldy, — delingen málimdemede.
Ol bir kún buryn aýrýhanaǵa jatqyzyldy, onyń otbasy Chak Norrıstiń neden qaıtys bolǵanyn jarııalamady.
Chak Norrıs birneshe kıno jáne teledıdar marapattarynyń ıegeri. 1989 jyly Gollıvýdtyń «Dańq alleıasynda» onyń jeke juldyzy paıda boldy.
1999 jyly Norrıs Kalıfornııa shtatynyń Berbank qalasyndaǵy Jekpe-jek óneri tarıhı murajaıynyń «Dańq» zalyna engizildi.
Budan buryn taǵy bir gollıvýd akteri eki qyzymen birge ushaq apatynan mert bolǵanyn jazǵan bolatynbyz.