Gollandııalyq astronavt ǵaryshtan baıqamaı qutqarý qyzmetine qońyraý shalǵan

ASTANA. QazAqparat - Gollandııalyq astronavt Andre Keıpers kúlkili oqıǵa, baıqamaı 911-ge, ıaǵnı amerıkalyq qutqarý qyzmetine qalaı qońyraý shalǵany jaıly aıtyp berdi, dep jazady Newsweek jýrnaly.

Keıpers Hıýstondaǵy Djonson ǵarysh ortalyǵynyń 9011 nómirine baılanysqa shyǵýǵa árekettengen. Biraq baıqamaı 911-ge qońyraý shalǵan. Kelesi kúni onyń elektrondy poshtasyna qutqarý qyzmetine habarlasýyna ne sebep bolǵandyǵyn aıtýyn suraǵan hat kelgen.

Eki ret ǵaryshtyq mıssııaǵa qatysqan, ǵaryshta 203 kún bolǵan Keıpers orbıtada ǵarysh stansasynan Jermen baılanysý óte jeńil ekendigin aıtady.