«Gınnesstiń rekordtar kitabyna engen kóılek úlgileri» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 28 qazan, sársenbi kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

«Jaqynda Zaısan aýdanynyń Birjan aýylyna barǵanymyzda kórshi Qytaıdyń Altaı aımaǵynan tórkindep kelip jatqan Fazıla Qabdrahmanova degen sheber jaı­ly estidik. Munyń aldynda ǵalamtordan jáne «Tańsholpan» baǵdarlamasynan Fazılanyń tikken kóılekteri Gınnesster rekordtar kitabyna engeni jaıly habardy kózimiz shalyp qalǵan. Sheberdiń «Eń bıik», «Eń úlken batyr», «Eń meıirban ana», «Qa­zaqtyń arýy» atty bıiktigi 4,5 metrlik, san túske malynǵan ásem kóılekteri ádil qazylar alqasyn tańǵaldyrypty. Endi, mine, Gınnesstiń rekordtar kitabyna ónimderi engen qan­dasymyzben áńgimelesip otyrmyz», dep jazady «Egemen Qazaqstan» gazeti «Gınnesstiń rekordtar kitabyna engen kóılek úlgileri» atty maqalasynda.

- Qazaqtyń ulttyq naqysh­taǵy kıimderin, keste tigýmen osy­dan jarty ǵasyr buryn shu­ǵyldana bastadym. Ol ana sú­timen kelgen. Anamyz da sheber. 25 jyl buryn Altaı qala­synda «Aqjol» atty ulttyq kı­imder tigetin zaýytty ashtyq. On­da negizinen qazaq qyzdary eń­bek etedi. Kásiporynda kıiz úı jabdyqtary, saıahat jasaýǵa ar­nalǵan sporttyq kıimder, ult­tyq dástúrdi áıgileıtin kórpe-jas­tyqtar tigiledi. Sonymen birge, sapaly tigý mashınalaryn qa­jet etetinderge satamyz. Bizge Qy­taıdyń barlyq aımaqtarynan tap­syrys jıi túsedi. Shańyraq kó­terip jatqan jastar úılený toıyna arnalǵan kıimge tapsyrys beredi, olardy sapaly etip oryndaımyz. Sonymen birge, kesteden kıim tigýdi ádetke aı­nal­dyrdyq. 2013 jyly ma­ǵan Shyńjanda «Qolóner ma­mandyǵynyń sheberi» degen ataq berildi, - deıdi Fazıla Qabdrahmanova.

Bas basylymda «Qazaqstan pavılonynyń mıllıonynshy qonaǵy» degen materıal basyldy. Ótken senbi kúni Mılanda ótip jat­qan Búkilálemdik EHRO-2015 kórmesinde Qazaqstan Res­pýblıkasynyń Ulttyq pavıl­o­ny mıllıonynshy qonaǵyn kútip al­dy. Ol - Italııanyń baıyrǵy turǵy­ny 57 jastaǵy Danıel Bergo at­ty azamat. Danıel Bergo óz elin­de baǵdarlamalyq konsýltant bo­lyp qyzmet isteıdi.

Qazaqstan Respýblıkasynyń ulttyq sektsııasynyń bas komıssary Ánýarbek Mýsın Búkilálemdik «Expo Milano-2015» kórmesin­degi Qazaqstan pavılonyn mıl­lıo­n­ynshy bolyp kórýge kelgen Danıel Bergony saltanatty túr­de quttyqtap, Qazaqstan Respýblıkasyna barý úshin 2 adamǵa arnalǵan sertıfıkatty syıǵa tartty. Elimizge baryp-kelý áýe bıletin EKSPO-2017 kórmesiniń resmı seriktesi «Eır Astana» AQ usyndy. Osy týr aıasynda olar Astana, Almaty, Shymkent pen Aqtaý qala­laryna tegin saparlaıdy. Atal­ǵan qalalarǵa saıahattyq týrdy kór­meniń resmı seriktesi bolyp tabylatyn «Saıat Travel», «Krýız», «Almaty City Tours», «Miras travel» pen «Týrıst» týrıstik kompanııalary júzege asyratyn bolady.

«Álemdi azyqtandyrý. Ómir energııasy» dep atalatyn «EXPO Milano-2015» kórmesinde Qazaqstan pavılony erekshe qyzyǵýshylyqqa ıe. Kúnine shamamen 5 myńnan astam adam tamashalaıdy. Ol búkilálemdik kórmede eń tanymal ári kelýshileri kóp pavılondardyń qatarynan tabylady. Kórmeniń uıymdastyrý komıtetiniń júr­gizgen halyqtyq daý­ys berý sharasynda qazaqstandyq pavılon aldyńǵy qatardan tabylyp otyr.

Qazaqstandyq pavılon 3000 sharshy metr aýmaǵy bar eki qabatty ǵımarattan turady. Taqyryby - «Qazaqstan - múmkindikter ále­mi». Syrtqy pishini elimizdiń aýyl­sharýashylyq mádenıetiniń ne­gizi bolyp tabylatyn bıdaı sabaǵyna uqsatyp jasalǵan. Іshki mazmuny 6 aýmaqtan turady: aýyl sharýashylyǵy, janýarlar álemi, akvamádenıet, ekologııa, jer sharýashylyǵy jáne Qazaqstan týraly tańǵajaıyp dúnıeler.

***

«Aıqyn» gazetinde «Bes myń ǵımarat beıimdeldi» atty materıal berilgen. Ozyq damyǵan memlekettiń bir nyshany - kemtar jandarǵa qol ushyn sozyp, qamqorlyqqa alý. Osy oraıda 2014 jylǵy 17 qańtarda óziniń «Qazaqstandyq jol - 2050: Bir maqsat, bir múdde, bir bolashaq» atty Joldaýynda Elbasy, partııa Tóraǵasy N.Nazarbaev «Nur Otanǵa» múgedekterdiń ómir sapasyn arttyrý boıynsha jumysqa jetekshilik etýdi júktegen bolatyn.

Sodan beri qolǵa alynǵan «Kedergisiz keleshek» partııalyq jobasy qomaqty jetis­tikterge jetipti. Bul týraly Densaý­lyq saqtaý jáne áleýmettik damý mı­nıstrligi habarlady. «Kedergisiz keleshektiń» negizgi baǵyttarynyń biri múgedekter úshin kedergisiz orta jasaý bolyp tabylady. Mınıstrliktiń málimetinshe, sol 2014 jyldan bastap Qazaqstanda 5 myńnan astam ınfraqurylym nysandary múmkindigi shekteýli azamattardyń jaǵdaıyna beıimdeldi. Byltyrǵy jyly joba aıasynda búkil elimiz boıynsha ǵımarattarǵa ınven­tarızatsııa júrgizilip, onyń qory­tyndy­synda halyq kóp baratyn 19,7 myń áleýmettik nysannyń múgedekterge qol­je­timsiz ekendigi anyqtaldy. Endi mine, olardyń qatary bir jyl ishinde 5 myńǵa azaıǵan.

Sondaı-aq 2014 jyldan beri osy jandar úshin transporttyq ınfra­qurylymnyń qoljetimdiligin qamtamasyz etý sharalary da qolǵa alynǵan. Máselen, múmkindigi shekteýli adamdardyń avto­býstarǵa, poıyzǵa kirýi qıyn. Bul prob­lemany sheshý úshin byltyrǵy jyldan bastap, respýblıkalyq bıýd­jetten jergilikti atqarýshy organdarǵa aǵymdaǵy maqsattyq transfertter túrinde qarajat bólinýde.

***

Kóne Saýran qalasynda júrgizilgen qazba jumystarynyń barysynda arheologtar qundy jádigerler taýyp alǵandyǵyn habarlady, dep jazady «Ekspress K» gazeti. Atap aıtqanda, jezden soǵylǵan monetalardan turatyn 25 kelilik qazynany anyqtalǵan. Buryndary oblysta kóne jádigerdiń osyndaı kólemi tabylmaǵan bolatyn.

Qazynany arheologtar metall izdeıtin qurylǵy arqyly anyqtady. Tarıhshylardyń paıymynsha, bul aqsha jer astynda 300 jylǵa jýyq ýaqyt jatqan eken. Osy jaıynda «V Saýrane naıden klad!» atty materıaldan tolyq oqı alasyzdar.