Gınness rekordy: álemdegi 16 jolaqty eń keń kóshe qaı elde

ASTANA. KAZINFORM – Qala ortalyǵynda jol salý úshin ondaǵan myń sharshy metr jyljymaıtyn múlikti buzýǵa týra kelgen. Argentına astanasy Býenos-Aırestegi Avenida 9 Julio álemdegi eń keń kóshe retinde Gınnestiń rekordtar kitabyna engizildi. Bul kóshe eni 140 metrdi alyp jatqan 16 jolaqtan turady.

Býenos-Aıres «Ońtústik Amerıkanyń Parıji» dep atalady, sondyqtan jergilikti bılik ınfraqurylymnyń monýmentaldy bóligin salý arqyly osy bedeldi nyǵaıtýǵa sheshim qabyldaǵan. Áıgili frantsýz dańǵylynan eki ese keń bolatyn qala ortalyǵy arqyly ótetin tas jol salý ıdeıasy osylaı paıda boldy.

Úlken jobanyń aıaqtalýyna jarty ǵasyr ýaqyt qajet bolǵan. Keń dańǵyl jasaý úshin qurylysshylar ortalyqtaǵy 60 myń sharshy metr jyljymaıtyn múlikti buzyp, myńdaǵan turǵyndy ózge jerge qonystandyrýǵa májbúr boldy.

Qazir dańǵylda 16 jolaq bar, onyń ishinde tórt jolaq qoǵamdyq kólikterge arnalǵan.