Germanııalyq kásipker bilim berý mekemelerinde óz tájirıbesin bólisti - Qyzylorda
Jaklın Knappeniń kásipkerlik salasynda tájirıbesi mol. Óziniń arnaıy sheberhanasy bar. Eńbek jolynda balabaqsha men teatrlarda jumys jasaǵan.
Oblys ortalyǵyndaǵy «Syr balajany» balabaqshasynda bolǵan Jaklın Knappe mekeme qyzmetkerlerin balalardy erkin tárbıeleýge arnalǵan Reggio-pedagogıka ádisimen tanystyryp, is júzinde kórsetti.
«Bizdiń elimiz ben Germanııadaǵy mektepke deıingi bilim berý ádistemesinde aıtarlyq aıyrmashylyq bar. Máselen, Jaklın bizdiń mamandarmen, tárbıelenýshilermen jumys jasaǵanda negizgi basymdyqty erkindikke: oı, tańdaý erkindigine berdi. Balalardy oınata otyryp, shyǵarmashylyǵyn damytýǵa tyrysty. Nátıjesin kórseńizder. Balalardyń qııalynyń sheksiz ekendigine kózimiz jetti. Bizge osyndaı memlekettik qoldaý túrleri týraly aqparat berip, kómek kórsetken, arnaıy maman shaqyrtqan Kásipkerler palatasyna rızashylyǵymdy bildirgim keledi», - deıdi balabaqsha meńgerýshisi Natalıa Mıshýkova.
Aıta ketý kerek, «Aǵa senorlar» komponenti qatysýshylarǵa basqarýdyń jańa ádisterin engizý, óndiris tehnologııalary, qural-jabdyqtar men personaldy oqytý máseleleri boıynsha tikeleı óndiriste keńes berý úshin nátıjeli jumys tájirıbesi bar joǵary bilikti shetel mamandaryn tartýǵa baǵyttalǵan.
Komponentke Baǵdarlama aıasynda ekonomıkanyń basym sektorlarynda óz qyzmetin júzege asyratyn shaǵyn jáne orta kásipkerliktiń sýbektileri qatysa alady.
