Germanııadaǵy jumyssyzdar sany 3 mıllıonnan asty

ASTANA. KAZINFORM — Germanııadaǵy jumyssyzdyq deńgeıi aqpan aıynda 3 mıllıonnan joǵary boldy, dep habarlaıdy BELTA.

Germanııanyń federaldyq jumyspen qamtý agenttigi (BA) aqpan aıyndaǵy jumyspen qamtý naryǵynyń málimetterin jarııalady. Maýsymdyq túzetilgen jumyssyzdyq deńgeıi qańtar aıymen salystyrǵanda 14 670 adamǵa tómendegenmen, 3 mıllıonnan asyp tur.

2025 jyldyń aqpan aıymen salystyrǵanda bul kórsetkish aıtarlyqtaı artyp, 80 020 adamǵa ósti. Elde jumyssyzdyq deńgeıi aqpan aıynda 0,1 paıyzdyq tarmaqqa ósip, 6,3 paıyzdy qurady.

Federaldyq eńbek agenttiginiń basshysy eńbek naryǵynda áli qalpyna kelý belgileri baıqalmaǵanyn atap ótti.

— Qysqy kezeńniń aıaqtalýyna qaramastan, eńbek naryǵy qarqyn alǵan joq. Jumyssyzdyq deńgeıi is júzinde ózgerissiz jáne 3 mıllıonnan joǵary bolyp otyr, — dedi ol.

Sonymen qatar, kompanııalardyń jańa qyzmetkerlerge degen suranysy tómen deńgeıde bolsa da, turaqty bolyp qalady. Aqpan aıynda ashyq pozıtsııalar sany ótken jyldyń sáıkes aıymen salystyrǵanda nebári 1000 adamǵa azaıyp, 638 000-ǵa jetti.

Ekonomıkalyq toqyraý boıynsha Germanııadaǵy jumyssyzdar sany bıylǵy jyly artyp, aldaǵy aılarda 3 mıllıonnan asatyny belgili bolyp otyr.

Kásiptik oqytý jáne taǵylymdamadan ótý naryǵy belsendi bolyp turǵanymen, qurylymdyq problemalar baıqalǵan. Tirkelgen kásiptik oqý oryndarynyń sany ótken jylmen salystyrǵanda 52 myńǵa azaıyp, kórsetkish 345 myńdy kórsetti. Jumys izdeýshi jastar sany 4 myńǵa artyp, 298 myńǵa jetti.

Federaldyq eńbek agenttigi jumys berýshilerdiń talaptary men kandıdattardyń biliktiliginiń sáıkes kelmeýine baılanysty kóptegen jastar bos oryndar bolǵan kezde de jumyssyz qalý qaýpi bar ekenin eskertti.

Aıta keteıik, Germanııada kúrdeli ekonomıkalyq jaǵdaı men qurylymdyq ózgeristerge baılanysty metall óńdeý jáne elektr ónerkásibindegi 30 myńǵa jýyq jumys orny qysqarýy múmkin.