Germanııadaǵy iri qara malǵa aýsyl juqqany anyqtaldy

ASTANA. KAZINFORM – Germanııa astanasy Berlındi qorshap turǵan Brandenbýrg óńiriniń bıligi juma kúni jergilikti fermer óziniń úsh iri qara malyn óli tapqanyn málim etti, dep habarlaıdy Kazinform agenttiginiń menshikti tilshisi.

Germanııanyń zertteý ınstıtýty bir maldan alynǵan synamada aýsyl anyqtalǵanyn rastady.

Eýropalyq BAQ-tyń jazýynsha, atalǵan fermer ınfektsııanyń taralýyn boldyrmaý úshin ózindegi búkil mal basyn soıýǵa májbúr bolǵan.

Ázirge, atalǵan aýrý qaıdan juqqany belgisiz.

Osy oraıda Brandenbýrg bıligi saqtyq sharasy retinde maldy tasymaldaýǵa tyıym saldy. Bul rette sıyr, shoshqa, qoı, eshki jáne túıe sııaqty basqa da mal basyn tasymaldaýǵa úsh kúnge shekteý engizildi. Sonymen qatar, Berlındegi eki zoopark jabyldy.

2001 jyly Ulybrıtanııada aýsyl aýrýynyń órshýi bılik organdaryn aýrý juqtyrǵan fermalardaǵy jáne onyń mańyndaǵy sharýa qojalyqtarynda 6 mln-ǵa jýyq maldy qyryp tastaýǵa májbúr etti. Bul jaǵdaı mıllıardtaǵan eýroǵa shyǵyn keltirdi. Sol kezde keıbir fermerler ınfektsııaǵa qarsy áreket tym ekstremaldy bolǵanyn aıtyp jatty.

Germanııada indettiń taralýynyń sońǵy deregi 1988 jyly, al Eýropada sońǵysy 2011 jyly bolǵan.

Eske salsaq, 2023 jyly Qazaqstanda aýsylǵa qarsy vaktsına shyǵaryla bastaıtyny habyrlandy.