Germanııada júrgizýshi órtengen kólikti syramen sóndirgen

BERLIN. QazAqparat – Senbi kúni tústen keıin Germanııanyń soltústik-shyǵysynda otbasy: kólikti júrgizgen 36 jastaǵy er adam jáne onyń áıeli, eki balasy otyrǵan jeńil kólik avtobanmen jol júrip kele jatty. Kenetten kólik kapoty astynan tútin shyqqan. Órtti baıqaǵan júrgizýshi dereý jol jıegine toqtap, otbasyn kólikten shyǵaryp, órt sóndirýshilerdi kútpeı, ózdiginen áreket etýge sheshim qabyldady, dep habarlaıdy QazAqparat DW-ge silteme jasap.

Ol tez arada kóliktiń júksalǵyshynan bir qorap syra alyp shyǵyp, ony janyp jatqan kóligine quıa bastady. Jalyndy tolyǵymen sóndirý úshin oǵan segiz bótelke syra qajet bolǵan. Oqıǵa ornyna kelgen órt sóndirýshilerge órttiń saldaryn joıý ǵana qaldy. Keıinirek anyqtalǵandaı, órttiń shyǵýyna qozǵaltqyshtaǵy aqaý sebep bolǵan. Ókinishke qaraı, kólik jóndeýge kelmeıdi, biraq aqyldy júrgizýshiniń ýaqytyly áreketi avtobanǵa eleýli zaqym kelýden saqtady.