Germanııada partııalar koalıtsııalyq kelissózderdi bastaýǵa kelisti

Taraptar Germanııa shekarasynda áleýetti mıgranttar – pana izdeýshilerden bas tartý múmkindigi týraly ustanymdaryn kelise aldy. Bul Hrıstıan-demokratııalyq odaǵy men Hrıstıan-áleýmettik odaǵynyń mańyzdy talaby boldy. Oǵan Germanııanyń sotsıal-demokratııalyq partııasy birneshe ret kúmán keltirdi.
Germanııanyń bolashaq kantsleri Frıdrıh Merts atap ótkendeı, Germanııa shekaralaryndaǵy qujattardy baqylaýdy «jappaı» keńeıtý kerek. Sonymen qatar bosqyndardyń Germanııaǵa otbasy múshelerin tasymaldaý múmkindigin odan ári shekteý kerek.
Ekonomıkalyq damýdy jedeldetý úshin Germanııadaǵy basqarýshy koalıtsııadaǵy yqtımal bolashaq seriktester ınvestıtsııa tartý jáne korporatıvtik salyq salý salasynda reforma júrgizý boıynsha sharalar qabyldaýdy josparlap otyrǵany atap ótildi. «Azamattarǵa arnalǵan járdemaqylar» (Bıýrgergeld) dep atalatyn tólemderdi tóleý salasynda da ózgerister kútilip otyr.
Frıdrıh Merts pen Lars Klıngbeıl da partııa bıligine koalıtsııalyq kelissózderdiń resmı bastalýyn maquldaýdy usynýǵa nıetti ekenin aıtty.
Frıdrıh Merts buǵan deıin katolıktik Pasha merekesinde koalıtsııalyq kelissózderdi, ıaǵnı 20 sáýirge deıin aıaqtaýǵa nıetti ekenin jetkizgen.
Buǵan deıin Tramptyń Germanııadaǵy saılaýdyń aldyn ala qorytyndysyn túsindirgenin jazǵan edik.