Germanııada parlamenttik saılaý bastaldy

ASTANA. KAZINFORM – Germanııada «Baǵdarsham koalıtsııasy» taraǵannan keıin el halqy kezekten tys saılaýda jańa Býndestagty saılamaq.

Elde úkimet aýysady. Kezekten tys saılaý belgilengen merzimnen jarty jyl buryn ótedi. Saılaý naýqany kóptegen sebepterge baılanysty qysqa ári basqalaryna uqsamaıtyn boldy. Onda eki máselege basymdyq beriledi: ekonomıka men kóshi-qon.

Kantsler laýazymyna kandıdattar sany burynǵylardan áldeqaıda kóp boldy. Kantsler úmitker sııaqty, al úmitker kantsler sııaqty áreket etti, dep jazdy nemis basylymdary.

Daýys berýge kimniń quqyǵy bar? 59,2 mln adam men shetelde turyp jatqan nemis saılaýshylary. Germanııada mindetti saılaý degen joq. Federaldy saılaýǵa qatysý GFR azamattarynyń erikti ári demokratııalyq quqyǵy. Daýys berýge jasy 18-ge tolǵan, Germanııa azamaty bolyp tabylatyn kez kelgen adamnyń quqy bar.

Sońǵy federaldy saılaý kezinde 2,3 mln-ǵa jýyq nemistiń jasy 18-ge toldy. Olar Býndestagqa daýys berýge múmkindik alyp otyr.

Árbir tórtinshi saılaýshynyń (23,2%) jasy 70-ten asqan, 40%-nyń jasy 60-tan asty. Bir jaǵynan 30 jas shamasyndaǵy adamdar sany daýys berý quqyǵy bar azamattardyń 13,3 paıyzyn ǵana quraıdy.

Daýys berý týraly habar avtomatty túrde jiberildi. Shaqyrý qaǵazynda qaı saılaý ýchaskesinde daýys beretini jáne onyń qaıda ornalasqany kórsetilgen. Germanııada daýys berý ýchaskesinde jeke kýálik nemese tólqujat bolsa jetkilikti.

Osy saılaýdaǵy basty kúshter ońshyl tsentrıstik «Hrıstıan demokratııalyq odaǵy» jáne ásireońshyl «Germanııa úshin balama» uıymy.

Eger jeńimpaz saılaýshylardyń absolıýtti basym daýsyna ıe bola almasa, olarǵa koalıtsııa qurý týraly kelssóz júrgizýge týra keledi.

Osyǵan deıin «Germanııadaǵy saılaý: Kimniń múmkindigi mol» degen taqyrypta saraptama jarııalaǵan edik.