Germanııada qala meri pyshaq shabýylynan birneshe jaraqat aldy

ASTANA. KAZINFORM — Germanııanyń Herdeke qalasynda (Soltústik Reın-Vestfalııa) jańadan saılanǵan mer, 57 jastaǵy Irıs Shtaltser asqazany men arqasynan tereń pyshaq jaraqatyn alǵan, dep habarlaıdy Bild.

Jaralanǵan Shtaltserdi óz páterinen uly taýyp alǵan. Esin joǵaltpas buryn qala meri kóshede birneshe er adam shabýyl jasaǵanyn aıtyp úlgergen. Dárigerler onyń ómiri úshin kúresip jatyr. Aıtýlarynsha onyń jaǵdaıy aýyr.

Quqyq qorǵaý jospary jarııalanyp, shabýyl jasaǵandardy izdeý júrip jatyr.

Tergeý jumystary Asa aýyr qylmystar boıynsha arnaıy tergeý tobyna tapsyryldy.

Germanııa kantsleri Frıdrıh Merts jedel tergeý júrgizýdi tapsyrdy.

— Biz jańa ǵana saılanǵan mer Irıs Shtaltserdiń ómirine alańdaýlymyz jáne onyń tolyq saýyǵyp ketýine úmittenemiz. Men onyń otbasy men jaqyndaryna tileýlespin, — dep jazdy ol X áleýmettik platformasynda.

Irıs Shtaltser 28 qyrkúıekte ótken mýnıtsıpaldy saılaýdyń ekinshi týrynda Herdeke qalasynyń meri bolyp saılandy. Shabýyl onyń jeńisinen on kún ótken soń boldy.

Buǵan deıin Manchesterde er adam turǵyndarǵa pyshaqpen shabýyldady.