Germanııada bir top adamdy qaqqan kólik týraly ne belgili

ASTANA. KAZINFORM — Germanııanyń Magdebýrg qalasyndaǵy (Saksonııa-Anhalt federaldy shtaty) Rojdestvolyq bazarda kólik adamdardy qaǵyp ketti.

TASS málimetinshe, keminde 11 adam qaza taýyp, 80-ge jýyq adam jaralanǵan. Ázirge eki adamnyń, onyń ishinde bir balanyń ólimi resmı rastaldy.

Qara tústi BMW júrgizýshisi kóligin rojdestvo bazarynyń adam kóp júretin jaǵyna qaraı qasaqana baǵyttaǵan.

Polıtseıler bazar mańynan jarylǵysh zat izdeýge kiristi. Qazir qala ortalyǵy qorshaýǵa alyndy. 80 shaqyrym jerdegi Magdebýrg pen Galle aýrýhanalary zardap shekkenderdi qabyldaýǵa daıyndalyp jatyr. Bul jumysqa óńirdegi barlyq qutqarý tikushaqtary jumyldyrylǵan.

Erfýrttegi (Tıýrıngııa) Rojdestvolyq bazarǵa kelýshiler men satýshylar Magdebýrgten kelgen habarlamalardan keıin evakýatsııalandy.

DPA agenttigi júrgizýshiniń ustalǵanyn habarlady. Onyń 1974 jyly týǵan Saýd Arabııasynyń týmasy ekeni anyqtaldy.

Kúdikti kólikti jalǵa alyp, adamdardy qaqqan. Kólik ishinen jarylǵysh zat tabylmady.

Er adam quqyq qorǵaý organdarynyń nazaryna ıslamshyl retinde kóringen joq. Polıtsııa kúdikti jalǵyz áreket etken dep esepteıdi.

Eske salsaq, keshe Germanııanyń Magdebýrg qalasyndaǵy rojdestvolyq bazarda jantúrshigerlik terakt boldy