Germanııada avtoturaq qyzmetkeri parkomattardan mıllıon eýro urlaǵan

ASTANA. KAZINFORM — Bavarııanyń Kempten qalasynda polıtseıler kóshedegi turaqtardan mıllıon eýrodan astam qarjy urlaǵan avtoturaq ınspektory men onyń áıelin ustady, dep habarlaıdy VVS.

Quqyq qorǵaý organdarynyń málimetinshe, er adam birneshe ret parkomattardan tıyn urlap, áıeliniń shotyna aýdaryp otyrǵan.

Urlyq týraly kúdik nesıelik esep agenttigi prokýrorlarǵa qarjyny jylystatýdyń yqtımal shemasy týraly eskertkennen keıin paıda boldy. Prokýrorlar qazan aıynda kúdiktilerdiń birneshe banktik shottyna turaqty túrde aqsha túsip turǵandyǵy jóninde aqparat aldy. 24 qarashada tintý júrgizilip, erli-zaıypty sol kúni qamaýǵa alyndy.

Avtoturaq ınspektory 40 jasta, al onyń áıeli 38-de. Sot úkimi shyqqanǵa deıin olardyń aty jóni jarııa etilmeıdi.

Prokýratýra 720 urlyq boıynsha aıyp taǵýdy qarastyryp jatyr. Ázirge urlanǵan qarajattyń qansha ýaqyttan beri jınalǵany, qylmys qaı kezde bastalǵany belgisiz.

Kempten meri Tomas Kıhle bul jaǵdaıdy estigennen keıin eseńgirep qalǵanyn jasyrmady. Ol operatsııalyq protsesterdi qarastyrý, yqtımal olqylyqtardy anyqtaý jáne bolashaqta osyndaı oqıǵalardyń aldyn alý sharalaryn ázirleý úshin komıssııa qurylǵanyn habarlady. 

Buǵan deıin Astana qalasynda shlagbaýmy bar alańdyq tıptegi avtoturaqqa tólem aldyn ala saǵatyna 300 teńge bolatyny týraly jazdyq.