Gennadıı Shıpovskıh: Biz latyn álipbıine kóshpeımiz - oralamyz
«Elbasymyzdyń sáýirde shyqqan «Rýhanı jańǵyrý» baǵdarlamasynda halqymyzdyń salt-dástúrin jańǵyrtatyndaı úlken baǵyttar berildi. Onyń ishindegi eń úlken jumystyń biri - latyn álipbıine kóshý. Biz latyn álipbıine kóshpeımiz - oralamyz. Sebebi, ózderińiz biletindeı, 1929 jyldan bastap 1940 jylǵa deıin biz latyn álipbıin paıdalanyp keldik. Alaıda belgili saıası sebeptermen kırıll qarpine aýystyq. Qoǵam osy talqylaýdyń aıasynda birikti. Álipbıdiń ekinshi nusqasyn alǵashqysynan góri qoldaýshylardyń basym ekenin baqylap otyrmyz. Bári de birte-birte oryndalady. Sondyqtan, ortaq jumysty birlesip, jumyla sheshken ońaı degen oıdamyn», - deıdi Parlament Májilisiniń depýtaty Astanada ótken «Jańa álipbı - jańǵyrý joly» taqyrybyndaǵy dóńgelek ústelde.
Gennadıı Shıpovskıhtiń aıtýynsha, toqsanynshy jyldardaǵy qıyn kezeńderde álipbıdi aýystyrý jumysyn kópshilik oılaı qoıǵan joq. Sebebi, dál sol kezde Qazaqstannyń aldynda zamannyń ózge de talaptary tur edi.
«Alaıda 25 jyl ótken soń dál osy kezeńde álipbıdi aýystyratyn ýaqyt keldi degenge kámil senemin. Ár adam Qazaqstanda qazaqtyń jerin basyp júrgennen keıin qazaq tilin bilýi kerek. Eshbir tildi shettetpeımiz. Qazaq bola tura qazaq tilinde sóıleı almaıtyndar da barshylyq. Latyn álipbıi óz tilin bilmeıtin qazaqtarǵa qazaq tilin meńgerýde keremet múmkindik dep oılaımyn. Senat Tóraǵasy aıtyp ótkendeı, bul turǵyda qoǵamnyń pikirin eskerýimiz kerek. Sebebi, aqyldasyp pishken ton kelte bolmaıdy», - deıdi Gennadıı Shıpovskıh.
Foto: parlam.kz