Gennadıı Golovkın qazaqstandyqtardy Konstıtýtsııa kúnimen quttyqtady

ASTANA. QazAqparat - Tanymal qazaqstandyq boksshy Gennadıı Golovkın el azamattaryn Konstıtýtsııa kúnimen quttyqtady.

«Men EKSPO-2017 kórmesiniń elshisi retinde Qazaqstannyń barlyq azamattaryn basty memlekettik merekelerdiń biri - QR Konstıtýtsııasy kúnimen quttyqtaımyn. Tolaǵaı tabystar men jetistikter tileımin», - dep jazdy ol óziniń Instagram paraqshasyna.

Aıta keteıik, WBA (Super), IBO, WBC jáne IBF (35-0, 32 KO) boıynsha qazirgi orta salmaqtaǵy álem chempıony IBF boıynsha jartylaı orta salmaqtaǵy álem chempıony brıtandyq Kell Brýkqa qarsy jekpe-jekke daıyndyq ústinde. Boks 10 qyrkúıek kúni Londonda ótedi.