Gazben júretin kólik sany bir jylda 16% ósken
ASTANA. KAZINFORM – Bir jylda eldegi gazben júretin kólikterdiń sany 582 myńnan 677 myńǵa deıin artqan. Bul jaıynda Energetıka mınıstri Erlan Aqkenjenov Úkimet otyrysynda aıtty.
- Mınıstrlik aı saıyn óńirler boıynsha shamamen 130 myń tonna suıytylǵan gaz bóledi. Alaıda, gaz taratý kólemi óńirlerdiń qajettiliginen 25-30 myń tonnaǵa nemese 23% az.
Іshki ister mınıstrliginiń aqparaty boıynsha, 2024 jyly gazben júretin avtomobılder sany 677 myń bolǵan nemese 2023 jylmen salystyrǵanda 16% ósken, - dedi mınıstr.
Vedomstvo basshysy suıytylǵan gaz baǵasynyń tómendigi atalǵan ónimdi tutynýdyń ósýine sebep bolyp otyrǵanyn atap ótti.
Eske salsaq, Prezıdent Qasym-Jomart Toqaev Jańaózen gaz óńdeý zaýyty qurylysynyń keshigýin Úkimettiń óreskel olqylyǵy retinde baǵalaǵan edi.