Gazadaǵy qurbandar sany 44 580-ge jetti

ASTANA. KAZINFORM – Sońǵy 24 saǵatta Izraıldiń Gazadaǵy shabýyldarynan 48 adam qaza tapqan. Bul týraly Anadoly habar berdi.

2023 jyldyń 7 qazanynan beri 426 kún ishinde Izraıldiń Gaza sektorynda jasaǵan genotsıdiniń saldarynan qaza tapqandardyń jalpy sany 44 580-ge, jaralanǵandar sany 105 739-ǵa ósti, dep habarlady Palestınanyń Gaza sektoryndaǵy Densaýlyq saqtaý mınıstrligi. 

Tek sońǵy 24 saǵatta Izraıl armııasynyń Gaza sektorynyń ártúrli aımaqtarynda jasaǵan «bes qyrǵyny» nátıjesinde 48 adam qaza tapqan. Sonymen qatar, Palestına eksklavynyń 201 turǵyny zardap shekken.

Qaza tapqandardyń máıitteri áli qıraǵan ǵımarattardyń astynda jáne jol jıekterinde jatyr. Jedel járdem jáne azamattyq qorǵanys toptary Izraıl áskerıleri týdyrǵan kedergilerge baılanysty olarǵa jete almaıdy, dep qosty vedomstvo.

Aıta keteıik, buǵan deıin Izraıldiń burynǵy mınıstri Gazadaǵy qylmystarǵa óz elin aıyptaǵanyn jazǵan edik.