Gazada soǵys bastalǵaly Entonı Blınken Taıaý Shyǵysqa 11-shi ret bara jatyr
ASTANA. KAZINFORM – AQSh memlekettik hatshysy Entonı Blınken dúısenbi kúni bir aptalyq saparmen Izraılge jáne birneshe arab elderine barady. Onyń sapary sondaı-aq Izraıldiń osy aıdyń basynda ballıstıkalyq zymyrandyq shabýyly úshin Iranǵa jaýap qaıtarý múmkindigin qarastyrýymen tuspa-tus keldi, dep habarlaıdy Kazinform agenttiginiń menshikti tilshisi.
AQSh-tyń memlekettik hatshysy Entonı Blınken dúısenbi kúni Izraıl men ózge de birqatar arab elderine bir aptaǵa issaparǵa barady.
Onyń Taıaý Shyǵysqa sapary ótken aptada AQSh prezıdenti Djo Baıden Izraıldiń HAMAS áskerı vedomstvosynyń basshysy ıAhıa Sınvardy óltirgennen keıin Blınkendi aımaqqa jiberetinin málimdegennen keıin kútilgen edi. Sholýshylardyń pikirinshe, bul birneshe aı boıy keıinge qaldyrylǵan atysty toqtatý usynysy boıynsha jańa kelissózderge aparatyn qadam bolýy múmkin.
Blınkenniń ózi Izraılge jáne aımaqtaǵy basqa elderge «Gazadaǵy soǵysty toqtatý, kepilge alynǵandardy otbasylaryna qaıtarý jáne Palestına halqynyń qaıǵy-qasiretin jeńildetý mańyzdylyǵyn qarqyndy talqylaý úshin» baratynyn málimdedi.
Memlekettik departament onyń sapary Izraılden bastalatynyn habarlady, biraq basqa naqty baǵyttardy ataǵan joq. Seısenbide Blınken Izraıl premer-mınıstri Bınıamın Netanıahýmen jáne prezıdent Itshak Gertsogpen kezdesedi.
«Aımaqta Blınken qaqtyǵys aıaqtalǵan jaǵdaıdaǵy josparlar men «palestınalyqtarǵa óz ómirin qalpyna keltirýge múmkindik beretin jańa joldy damytý qajettiligin» talqylaıdy», — dedi Memlekettik departamenttiń ókili Metıý Mıller.
