Gazada qurban bolǵan palestınalyqtar sany 42 065-ke jetti

ASTANA. KAZINFORM – Sońǵy táýlikte 55 palestınalyq Izraıl armııasynyń blokadadaǵy Gaza sektoryndaǵy shabýyldarynyń qurbany boldy. Bul týraly Izraıldiń eksklavta 370 kún boıy jasaǵan genotsıd týraly aqparat beretin Gaza sektoryndaǵy Palestına densaýlyq saqtaý mınıstrliginiń málimdemesinde aıtylǵan, dep jazady Anadoly.

Sońǵy 24 saǵattyń ishinde Izraıl armııasy Gaza sektorynyń ártúrli bólikterinde «bes qyrǵyn» jasaǵan, nátıjesinde 55 palestınalyqty qaza tapqan. Sonymen qatar, Palestına eksklavynyń 166 turǵyny jaralandy, delingen habarlamada.

- 2023 jyldyń 7 qazanynan beri Izraıldiń Gaza sektorynda jasaǵan genotsıdiniń saldarynan qaza tapqandardyń jalpy sany 42 065-ke, jaralanǵandar sany 97 886-ǵa jetti, - dep habarlady Densaýlyq saqtaý mınıstrligi.

Qaza tapqandardyń máıitteri áli de qıraǵan ǵımarattardyń astynda jáne jol jıekterinde jatyr. Jedel járdem brıgadalary men azamattyq qorǵanys kúshteriniń ókilderi Izraıl áreketinen týdyrǵan kedergilerge baılanysty olarǵa jete almaı otyr, dep qosty vedomstvo.