Gazada kóz jumǵan palestınalyqtar sany 51 myńǵa jetti
ASTANA. KAZINFORM — 2023 jyldyń 7 qazanynan beri Izraıldiń Gaza sektoryna jasaǵan shabýyldary saldarynan qaza tapqandar sany 51 myń adamǵa jetti, dep jazady Anadoly.
Bul týraly Palestınanyń Gaza sektoryndaǵy densaýlyq saqtaý mınıstrligi habarlady.
Sońǵy 24 saǵatta eksklavtaǵy aýrýhanalarǵa 69 jaraly jáne 17 adamnyń denesi jetkizildi, dep qosty vedomstvo.
19 qańtarda kúshine engen atysty toqtatý kelisimi aıaqtalǵannan kún — 18 naýryzdan beri Izraıl armııasy shabýyldarynan 1630 palestınalyq qaza taýyp, 4302 adam jaralanǵan.
Sońǵy málimetter boıynsha, 2023 jyldyń 7 qazanynan beri qaza tapqan palestınalyqtar sany 51 myńǵa, jaralanǵandar sany 116 343-ke jetken.
Bılik Gazadaǵy qıraǵan ǵımarattar astynda áli de myńdaǵan múrde bolýy múmkin ekenin málimdedi.
Aıta keteıik, buǵan deıin Gazadaǵy qurbandar sany 51 myńǵa jýyqtaǵanyn jazdyq.
BUU 2 naýryzdan beri Gazaǵa gýmanıtarlyq kómek jetpegenin aıtyp, dabyl qaǵyp jatyr.
Sondaı-aq, Izraıl áskeri Gaza sektoryndaǵy 400-den astam mektepke soqqy jasaǵan.