Gaza sektoryndaǵy qurbandar sany 51 266-ǵa jetti

ASTANA. KAZINFORM – Gaza sektoryndaǵy Palestına Densaýlyq saqtaý mınıstrliginiń málimetinshe, Izraıl armııasynyń 2023 jylǵy 7 qazannan beri jasap jatqan shabýyldarynan qaza tapqandar sany 51 266 adamǵa jetken, dep jazady Anadoly.

Keıingi táýlikte 26 palestınalyqtyń mert bolǵany habarlandy.

Sondaı-aq mınıstrlik sońǵy 24 saǵatta 60 adamnyń jaraqat alǵanyn, olardyń barlyǵy aımaqtaǵy aýrýhanalarǵa jetkizilgenin málimdedi.

2024 jylǵy 18 naýryzdan beri, ıaǵnı 19 qańtarda kúshine engen atysty toqtatý kelisimi buzylǵannan keıingi kezeńde qaza tapqandar sany 1 890 adamǵa, jaralanǵandar sany 4 950 adamǵa jetken.

– Jalpy, 2023 jyldyń 7 qazannan bastap búginge deıin Izraıldiń Gaza sektoryna jasaǵan shabýyldarynan 51 266 palestınalyq kóz jumyp, 116 991 adam jaraqat aldy, - dep qosty vedomstvo.

Resmı málimetke sáıkes, qırandylar astynda áli de myńdaǵan adamnyń máıiti jatyr.

Aıta keteıik, BUU Gazaǵa 50 kúnnen beri gýmanıtarlyq kómek jetkizilmeı jatqanyn málimdedi.