Gaza sektorynda kóz jumǵandar sany 43 myńnan asty

ASTANA. KAZINFORM — Gaza sektorynyń densaýlyq saqtaý mınıstrligi taratqan málimetke qaraǵanda, 2023 jyldyń 7 qazanynan beri Izraıl armııasynyń blokadadaǵy Gaza sektoryna jasaǵan shabýyldarynan qurban bolǵandar sany 43 020 adamǵa jetti. Al jaralanǵandar sany 101 110 adamdy quraǵan, dep habarlaıdy ırandyq IRNA agenttigi.

«Tek sońǵy táýlikte Izraıl armııasynyń shabýylynan 96 palestınalyq kóz jumyp, taǵy 277 adam jaralandy», — dep taratty IRNA Gaza sektorynyń mınıstrligine silteme jasap.

Eske salsaq, HAMAS Gaza sektory boıynsha kelisimge kelýge daıyn ekenin habarlady. Sonymen qatar Mysyr kepilge alynǵan tórt adamdy birneshe palestınalyq tutqynǵa aıyrbastaýdy usyndy.