Gaza sektorynda HAMAS tutqynynan bosaǵan 13 adam kim
Izraıldiń HAMAS-qa qarsy soǵysyndaǵy úzilisten keıin Gaza sektoryndaǵy ızraıldik kepilge alynǵandardyń alǵashqy legi bosatyldy. Onyń barlyǵy 7 qazanda Nır-Ozda tutqynǵa alynǵan. Bostandyqqa shyqqandar týraly taǵy ne belgili? Kazinform agenttigi bul týraly VVS jańalyqtaryna silteme jasap habarlaıdy.
Izraıl men HAMAS arasyndaǵy kelisim aıasynda kepilge alynǵan 13 adam — áıelder men balalar úıine qaıtaryldy.
Budan bólek, 10 Taıland azamaty men bir fılıppındik kelisimnen tys bosatyldy.
Ýaqytsha bitim shartyna sáıkes, juma kúni tańerteń bastalǵan tórt kúndik úzilis kezinde barlyǵy 50 ızraıldik bosatylýy tıis.
HAMAS kelisimge sáıkes 150 palestınalyq áıel men jasóspirim Izraıl túrmesinen bosatylyp, Gaza sektoryna gýmanıtarlyq kómek, dári-dármek jáne janarmaı tıelgen júzdegen júk kólikteri kirgiziletinin málimdedi.
Gaza sektorynyń shekarasyna jaqyn ornalasqan Nır-Ozdan tutqynǵa alynǵandar: 78 jastaǵy Margalıt Mozes, 72 jastaǵy Adına Moshe, 44 jastaǵy Danıel Alonı jáne onyń alty jasar qyzy Emılııa, Alonıdiń 34 jastaǵy sińlisi jáne onyń kúıeýi úsh jasar egiz qyzdarymen birge qonaqta otyrǵan jerinen tutqynǵa alynǵan.
34 jastaǵy Doron Kats-Asher men onyń eki qyzy — tórt jastaǵy Raz jáne eki jasar Avıv te Gaza shekarasyna jaqyn týystarynyń úıinde bolǵan kezde tutqynǵa alynǵan.
Izraıldik resmı tulǵalardyń habarlaýynsha, toǵyz jasar Ohad Mýndar, onyń 54 jastaǵy anasy Keren Mýndar jáne 78 jastaǵy ájesi Rýtı Mýndar da Nır-Ozdan urlanǵan.
Jalpy alǵanda úıine oralǵan 12 adamnyń esimi belgili: 78 jastaǵy Margalıt Mozes, 72 jastaǵy Adına Moshe, 44 jastaǵy Danıel Alonı men onyń 6 jasar qyzy Emılııa, 34 jastaǵy Doron Kats-Asher jáne onyń eki egiz qyzy - tórt jasar Raz ben eki jasar Avıv, toǵyz jasar Ohad Mýndar, onyń 54 jastaǵy anasy Keren Mýndar men 78 jastaǵy ájesi Rýtı Mýnder, 79 jastaǵy Hana Perı, 85 jastaǵy ıAfa Adar.
