Gavaııdegi Kılaýea janartaýy áli jalyn atyp jatyr

ASTANA. KAZINFORM — Álemdegi eń belsendi janartaýlardyń biri — Gavaııdegi Kılaýea jalyn atýyn toqtatqan joq, dep jazady Anadoly.

AQSh Geologııalyq qyzmetiniń habarlaýynsha (USGS) janartaý on besinshi atqylaý fazasyna jetti.

Qyzmettiń málimetinshe, eki sańylaýdan shyqqan jalyn krater túbiniń shamamen 5 paıyzyn alyp jatyr, jalyn baǵandarynyń bıiktigi 50-den 100 metrge deıin jetedi.

2024 jyldyń jeltoqsan aıynan beri Kılaýea janartaýy barlyǵy 15 ret atqylaǵan.

Bul atqylaýlardyń eń qysqasy 13 saǵatqa, eń uzaǵy 8 kúnge sozyldy.

Buǵan deıin Ońtústik Koreıada orman órti saldarynan keminde 18 adam qaza tapqanyn jazǵan edik.