Gaýhar Tanasheva Májilis depýtaty ókilettiginen aıyryldy
ASTANA. KAZINFORM — Gaýhar Tanashevanyń Qazaqstan Respýblıkasy Parlamenti Májilisiniń depýtaty ókilettigi Asylbek Nuralınge berildi. Bul týraly QR Ortalyq Saılaý komıssııasy málim etti.
Qazaqstan Respýblıkasy Konstıtýtsııasynyń 52-babyna, «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýtsııalyq Zańynyń 24-baby 4 jáne 9-tarmaqtaryna sáıkes Qazaqstan Respýblıkasynyń Ortalyq saılaý komıssııasy «Qazaqstan Halyq partııasy» Qoǵamdyq birlestigi Bıýrosynyń 2024 jylǵy 23 jeltoqsandaǵy № 27 qaýlysynyń negizinde Gaýhar Shaımerdenqyzy Tanasheva Qazaqstan Respýblıkasy Parlamenti Májilisiniń depýtaty ókilettigin joǵaltty dep tanylsyn degen qaýly shyǵardy.
Sondaı-aq, QR Ortalyq saılaý komıssııasy «QR Parlamenti Májilisiniń depýtaty A. J. Nuralındi tirkeý týraly» qaýly qabyldady.
Qaýlyda «Qazaqstan Respýblıkasy Parlamentiniń Májilisi depýtatynyń bos mandaty „QHP“ Qoǵamdyq birlestiginiń múshesi Asylbek Jamashuly Nuralınge berilsin. Asylbek Jamashuly Nuralın Qazaqstan Respýblıkasy Parlamenti Májilisiniń depýtaty bolyp tirkelsin. Asylbek Jamashuly Nuralınge belgilengen úlgidegi tıisti kýálik pen omyraýǵa taǵatyn belgi tapsyrylsyn», — dep jazylǵan.
Qazaqstan Respýblıkasynyń Ortalyq saılaý komıssııasynyń qaýlysyna saı Qazaqstan Respýblıkasy Parlamentiniń Májilisi depýtatynyń bos mandaty «QHP» Qoǵamdyq birlestiginiń múshesi Asylbek Jamashuly Nuralınge berildi.
Asylbek Jamashuly Nuralın Qazaqstan Respýblıkasy Parlamenti Májilisiniń depýtaty bolyp tirkeldi.
Asylbek Jamashuly Nuralınge belgilengen úlgidegi tıisti kýálik pen omyraýǵa taǵatyn belgi tapsyryldy.
«Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýtsııalyq Zańnyń 24-babyna sáıkes depýtattyń ókilettigi ony Ortalyq saılaý komıssııasy tirkegen kezden bastalady.
OSK Tóraǵasy Nurlan Ábdirov Asylbek Jamashulyna belgilengen úlgidegi kýálik pen omyraýǵa taǵatyn belgini tabystap, oǵan depýtattyq korpýstaǵy jumysyna sáttilik tiledi.
Eske sala keteıik, Májilis depýtaty Juldyz Súleımenova ýaqytsha qoǵamdyq jumyspen qamtý praktıkasynan ketýdi, onyń ornyna azamattardy eldegi tapshy mamandyqtarǵa qaıta oqytýdy usynǵan bolatyn.