Ǵaryshkerler otyrǵan kapsýla Jezqazǵan mańyna qondy

ASTANA. QazAqparat - Reseılik ǵaryshker Oleg Novıtskıı men eýropalyq astrononavt  Toma Peske otyrǵan apparat qazaqstandyq  dalaǵa qondy, dep habarlaıdy «QazAqparat» HAA tilshisi.

Ǵaryshkerler búgin astana ýaqytymen  20  saǵat 10 mınýtta Jezqazǵannyń ońtústik-shyǵys jaǵyna qaraı  147 shaqyrym jerde qondy.

Jerge oralǵan ekıpaj músheleriniń jaǵdaıy jaqsy, dep habarlady Ushý basqarmasy ortalyǵynyń baspasóz qyzmeti.
 Oleg Novıtsıı men Toma Peskeniń ushý merzimi 197 táýlikke  sozyldy.

Halyqaralyq ǵarysh ekıpaj stansasynda (HǴS)  bolǵan kezderinde  ekıpaj HǴS-50 jáne HǴS-51 -de uzaqqa sozylǵan  ekspedıtsııa jaǵdaıyndaǵy   ǵylymı-qoldanbaly zertteý  jáne saraptamalyq  baǵdarlamasyn oryndady.

Novıtskıı men Peske  Baıqońyr ǵarysh aılaǵynan 2016 jyly 17 qarashada Peggı Ýıtsonmen birge ushyp shyqqan edi.