Garvard quny $1 mlrd turatyn aktıvterin satýdy oılastyryp jatyr
ASTANA. KAZINFORM – Garvard ýnıversıteti óziniń quny 1 mlrd dollar bolatyn aktıvterin satý boıynsha belsendi túrde kelissózder júrgizip jatyr. Buǵan AQSh prezıdenti Donald Tramp ákimshiliginiń oqý ornyna bólinýi tıis birneshe mlrd dollardy buǵattap tastaýy sebep bolyp otyr, dep jazady Bloomberg.
Bul týraly reseılik TASS habarlady.
Áńgime oqý ornynyń jeke qory aktsııalarynyń portfeline qatysty bolyp otyr. Garvard ýnıversıteti Lexington Partners ınvestıtsııalyq kompanııasynyń aktsııalaryn berý týraly Jefferies Financial Group kompanııasymen jumys júrgizip jatyr. Bul kelisimniń sharttary ázirge sońyna deıin kelisilmegen, sol sebepti munda ózgertister bolýy múmkin.
Ýnıversıtet portfeldi satýǵa 2024 jyldan bastap, ıaǵnı Tramptyń ulyqtaý rásimine deıin-aq kúsh sala bastaǵan.
15 sáýirde Tramp Garvardty saıası uıym retinde baǵalap, salyq salynbaıtyn nysan retindegi mártebesin joıýdy usyndy.
Bilim mınıstrligi Garvardqa bólingen 2,2 mlrd dollardyń jáne 60 mln dollarǵa jasalǵan uzaqmerzimdi kelisimderdiń «muzdatylatynyn» jarııalady. Osyǵan deıin AQSh ákimshiligi evreı stýdentterdi antısemızmnen qorǵaý úshin oqý ornynyń saıasatyna ózgeris engizýdi talap etken bolatyn.
The New York Times basylymynyń habarlaýynsha, Garvard Aq úımen yqpaldasýǵa umtylǵanymen talaptar tizimi keńeıtildi jáne olardyń kóbiniń antısemıtızmmen baılanysty emes.
Garvard ýnıversıtetiniń prezıdenti Alan Garber olardy oryndaýdan bas tartty.
Osyǵan deıin AQSh Garvard-qa bólinetin 2,2 mıllıard dollar memlekettik qarjylandyrýdy toqtatatyny týraly jazdyq.
Tramp ákimshiligi Garvardtan sheteldik stýdentterdi qabyldaý quqyǵyn alyp qoıatynyn málim etti.
Tramp Garvardqa bólgen 1 mlrd dollar qarjyny keri qaıtarýdy oılastyryp jatyr.
Garvard ýnıversıteti Tramp ákimshiligin sotqa berdi.