Garrı men Megan shyǵyndary men qyzmetkerlerin qysqartty
ASTANA. KAZINFORM – AQSh-ta turyp jatqan Ulybrıtanııa hanzadasy Garrı men jary Megan Markl shyǵyndardy azaıtý maqsatynda birqatar qyzmetkerin jumystan bosatty.
Batys basylymdarynyń málimetinshe, erli-zaıypty sán-saltanatty ómir saltyn ustaýda qıyndyqqa tap bolǵan. Olar ózderiniń pıar-komandasymen jumysyn toqtatyp, birneshe ishki ókilderinen de bas tartqan.
Page Six dereginshe, 2020 jyldan beri tanymal juptyń 25-ten astam qyzmetkeri jumystan ketken nemese qysqartylǵan. Keıbir kadrlyq ózgerister áli resmı jarııalanbaǵan.
Sondaı-aq olardyń Netflix-pen jasalǵan kelisimsharty da aıaqtalýǵa jaqyn. Kelisim somasy túrli derekkózderge sáıkes 20-dan 100 mln dollarǵa deıin jetedi.
Megan men Garrıdiń keı jobalary sátti shyqqanymen, «Asaý júrek» jáne «Polo» sııaqty bastamalary kóp qyzyǵýshylyq týdyrmady. Oǵan qosa, olardyń qaýipsizdigine jylyna shamamen 2 mln dollar, al Kalıfornııadaǵy Montetsıtodaǵy úı salyǵyna 300 myń dollar jumsalady.
Fox News telearnasy hanzadanyń sońǵy jyldary kóptegen dosymen baılanysy úzilgenin, óz ornyn taba almaı júrgenin habarlady.
Sarapshylardyń aıtýynsha, Garrı otanyn saǵynyp, Kalıfornııada ózin jaısyz sezinedi.
Aıta keteıik, bıylǵy aqpanda Tramp Megan Markldy qorqynyshty dese, hanzada Garrıdi AQSh-tan deportatsııalamaýǵa ýáde bergen.