Ǵalymdar Kúnnen 17 mlrd ese úlken orasan zor qara tesikti tapty

ASTANA. QazAqparat - AQSh ǵalymdary Kúnnen shamamen 17 mlrd ese úlken asa zor qara tesikti tapty. TASS-tyń NPR radıostansasyna silteme jasap habarlaýynsha, ǵalymdar ony búkil Álemdegi osy kezge deıin tabylǵandardyń ishindegi eń iri nysan dep paıymdaıdy.

«Onyń galaktıkanyń qatardaǵy tobynda ornalasýy mundaı ǵarysh alpaýytynyń astronomdar buǵan deıin paıymdaǵanynan áldeqaıda qarapaıym bolaýy múmkin ekenin dáleldeıdi», dep áńgimeledi radıostansa.

Berklı Chýndaǵy Kalıfornııa ýnıversıtetiniń astronomy Peı Ma jańa qara tesik Qus jolynyń ortasynda ornalasqandaǵydan áldeqaıda úlken dep sanaıdy. «Men bizdiń qara tesikti óte kishkentaı dep sanaımyn, ol nebári 4 mıllıon ǵana kún massasyn quraıdy, al biz tapqan qara tesik kúnnen 17 mıllıard ese úlken», - dep málimdedi ǵalym.

Onyń aıtýynsha, ony ásirese jańa nysannyń «ǵaryshtyq meńireý túpkirde» ornalasýy tańǵaldyrǵan. «Manhetten ortasyndaǵy záýlim úıler - úırenshikti jaıt, - dedi Ma, - Al bul kishkentaı amerıkandyq qalashyqtaǵy asa bıik ǵımarat sııaqty áser qaldyrady».

Jańa jumys týraly esep Nature jýrnalynyń kezekti sanynda jarııalanbaq.