Ǵalym-matematık Oraz Satybaldyuly ómirden ozdy
Oraz Satybaldyuly Q.Sátbaev atyndaǵy Qazaq ulttyq tehnıkalyq zertteý ýnıversıtetinde matematıka kafedrasynyń meńgerýshisi bolyp jumys istedi.
Fızıka-matematıka ǵylymdarynyń kandıdaty, pedagogıka ǵylymdarynyń doktory, professor, Halyqaralyq aqparattandyrý akademııasynyń akademıgi. «JOO úzdik oqytýshysy», Qazaqstan Respýblıkasynyń ǵylymyn damytýdaǵy eńbegi úshin» tósbelgisiniń ıegeri.
Ol 135-ten astam oqý, oqý-ádistemelik jáne ǵylymı jumystyń, onyń ishinde eki monografııanyń, onnan astam oqýlyq pen pedagogıkalyq, ekonomıkalyq jáne tehnıkalyq mamandyq stýdentterine arnalǵan jıyrma besten astam ádistemelik quraldyń avtory. Ol óziniń tájirıbesin, bilimin, ǵylymı erýdıtsııasyn, shyǵarmashylyq ıdeıalaryn aspıranttar men stýdentterge jetkizdi. Kandıdattyq jáne doktorlyq dıssertatsııalardyń keńesshisi boldy. Onyń jetekshiligimen bes kandıdattyq jáne bir doktorlyq dıssertatsııa qorǵaldy.
