Gaıtı astanasynan 3 apta ishinde 53 myń adam qashyp ketti

ASTANA. KAZINFORM – Gaıtı astanasy Port-o-Prens turǵyndary qaladan jappaı kóship jatyr. Bul týraly Euronews jazdy.

Úsh apta ishinde 53 myńnan astam adam qatygez toptyń, ıaǵnı, qaraqshylardyń  zorlyq-zombylyǵynan qutylý úshin Gaıtı astanasyn tastap ketken. Mundaı derekti BUU keltirdi. 

Olardyń 60%-dan astamy Gaıtıdiń ońtústigindegi aýyldyq aımaqtardy betke alǵan. Bul BUU sheneýnikteriniń alańdaýshylyǵyn týǵyzdy. 

Olar munda qajetti ınfraqurylym joq ekenin jáne qabyldaýshy qaýymdastyqtarda Port-O-Prensten qashqandardyń aǵynyn qabyldaý úshin jetkilikti resýrs bolmaı otyrǵanyn atap ótti.

BUU-nyń Halyqaralyq kóshi-qon uıymynyń málimeti boıynsha, Gaıtıdiń ońtústiginde buryn Port-o-Prensti tastap ketken 116 myńnan astam adam turady. 

3 mıllıonǵa jýyq adamnyń el astanasyn tastap ketýi aqpan aıynyń sońynda qaraqshylar toby úkimettik keńselerge shabýyl jasaǵannan keıin bastaldy. Qarýly adamdar polıtsııa beketterin órtep, jabyq halyqaralyq áýejaıǵa oq jaýdyrdy. Olar Gaıtıdegi eń úlken eki túrmege basyp kirip, 4 000-nan astam tutqyndy bosatqan.