G7 Irandy MAGATE-men yntymaqtasýǵa shaqyrdy

ASTANA. KAZINFORM – «Úlken jetilik» (G7) elderiniń syrtqy ister mınıstrleri Irandy ıadrolyq baǵdarlamasyna qatysty Halyqaralyq atom energııasy agenttigimen (MAGATE) yntymaqtastyqty qaıta bastaýǵa shaqyrdy, dep habarlaıdy Anadoly.

— Biz Irannyń ıadrolyq baǵdarlamasyna qatysty jan-jaqty, tekserýge bolatyn jáne turaqty kelisimge ákeletin kelissózderdi qaıta jandandyrýdy qoldaımyz, — delingen dıplomatııalyq vedomstvo basshylarynyń birlesken málimdemesinde.

Mınıstrler barlyq tarapty «aımaqtyń turaqsyzdanýyn ýshyqtyrýy múmkin áreketterden aýlaq bolýǵa» shaqyrdy.

Sondaı-aq Irannyń ıAdrolyq qarýdy taratpaý týraly shartqa qatysýshy el retinde qalýy tıis ekeni atap ótildi.

G7 elderiniń syrtqy ister mınıstrleri Izraıl qaýipsizdigin qoldaıtyndaryn rastady.

— Biz Taıaý Shyǵysta beıbitshilik pen turaqtylyqty saqtaýǵa berilgendigimizdi rastaımyz, — delingen málimdemede.

Aıta ketelik Iran Syrtqy ister mınıstrliginiń resmı ókili Ismaıl Baǵaı Izraıl men AQSh-tyń shabýyldarynan keıin Irannyń Halyqaralyq atom energııasy agenttigimen (MAGATE) yntymaqtastyǵy burynǵydaı jalǵasa almaıtynyn málimdegen edi.