G20 elderi ishindegi jumyssyzdyq deńgeıi daǵdarysqa deıingi kórsetkishten de joǵary bolyp tur - V.Pýtın

ASTANA. 6 qyrkúıek. QazAqparat - Búginde qolǵa alynyp jatqan sharalarǵa qaramastan, G20 elderi ishindegi jumyssyzdyq deńgeıi daǵdarysqa deıingi kórsetkishten de joǵary bolyp tur. Bul týraly búgin Sankt-Peterbor qalasynda bastalǵan G20 sammıtiniń ekinshi májilisinde Reseı Federatsııasynyń prezıdenti Vladımır Pýtın málim etti.

V.Pýtın atap kórsetkendeı, jumyssyzdyq máselesi - bıylǵy sammıt jumysynyń basty taqyryby. «Sebebi búginde qolǵa alynyp jatqan sharalarǵa qaramastan, G20 elderi ishindegi jumyssyzdyq deńgeıi daǵdarysqa deıingi kórsetkishten de joǵary bolyp tur. Bárimizge ortaq máseleler kóp. Máselen, jastar arasyndaǵy jumyssyzdyq ózekti problemaǵa aınaldy. Budan bólek, kásibı mamandardyń ózderine jumys tabylmaı otyr. Olardyń arasynda da jumyssyz azamattardyń sany artyp keledi. Sodan memleketke salyq túrinde túsetin kiristerdiń kólemi azaıyp jatyr. Sonyń nátıjesinde bıýdjet resýrstary da qysqarýda», - dep atap kórsetti V.Pýtın. RF prezıdentiniń aıtýynsha, jumyssyzdyqtyń kóbeıýine uzaq merzimdi ınvestıtsııalardyń azaıýy áser etip otyr. Sondyqtan búginde saqtandyrý kompanııalary men zeınetaqy qorlary sııaqty ınvestorlardy tartý asa mańyzdy. Sebebi olardyń aınalymynda shamamen 90 trln. dollar bar.