G-Global tuǵyrnamasynda jylsaıyn jasyl bastamalardy ilgeriletý baıqaýyn ótkizý qajet - S.Nógerbekov

ASTANA. QazAqparat - G-Global tuǵyrnamasynda jylsaıyn jasyl bastamalardy ilgeriletý baıqaýyn ótkizý qajet. Bul týraly búgin «Jasyl kópir: Aldyńǵy qatarly praktıv jáne ınnovatsııalar úshin seriktestik turǵynamasy» atty halyqaralyq konferentsııa barysynda G-Global halyqaralyq hatshylyǵynyń basshysy Serik Nógerbekov aıtty.

«G-Global halyqaralyq hatshylyǵy «Jasyl kópir» seriktestik baǵdarlamasyn, «EKSPO-2017»-ni, BUU-nyń «Barlyǵy úshin turaqty energetıka» bastamasyn ilgeriletý aıasynda bizdiń tuǵyrnamada jasyl bastamalardy, jasyl jobalardy, sonymen qatar ınstıtýttyq, aqparattyq jáne bilim berý baǵdarlamalaryn ilgeriletý úshin jylsaıynǵy baıqaý ótkizýdi usynady», - dedi ol. Sonymen qatar, ol «EKSPO-2017» kórmesine daıyndyq aıasynda G-Global halyqaralyq hatshylyǵy óziniń seriktesterimen birlesip, «EKSPO-2017» respýblıkalyq onlaın konferentsııasyn ótkizgenin atap ótti. «Baıqaý jarııalanǵanǵa deıin orys jáne aǵylshyn tilderinde 600-den astam joba kelip tústi. Bizdiń sarapshylarymyz olardyń ishinen úzdik 50 jobany iriktep aldy. Al onyń 5-eýi qazirgi ýaqytta kommertsıalızatsııalaný kezeńinde», - dedi S.Nógerbekov.