Fýtzaldan Qazaqstan U-19 quramasynyń aǵa bapkeri taǵaıyndaldy

ASTANA.KAZINFORM  - Qazaqstandyq maman Vasılıı Smolın fýtzaldan Qazaqstan 19 jasqa deıingi sportshylar quramasynyń aǵa bapkeri bolyp taǵaıyndaldy.

Otandyq fýtzalda mol tájirıbege ıe 35 jastaǵy bapkerdiń eńbek jolynyń negizgi bóligi «Aıat» (Rýdnyı) klýbymen tyǵyz baılanysty. Onyń jetekshiligimen komanda fýtzaldan ÝEFA Chempıondar lıgasyna shyǵyp, Qazaqstan chempıonatynda kúmis jáne qola júldesin jeńip alǵan.

Sondaı-aq ol uzaq jyldar boıy «Aıattyń» balalar men jasóspirimder komandalarymen júıeli túrde jumys istep, joǵary nátıjelerge qol jetkizdi. Onyń shákirtteri U-15, U-17 jáne U-19 jas sanattarynda el chempıony atandy. 2017 jyly U-19 komandasy birinshi oryn alsa, 2018 jyly U-12 quramasy el chempıony boldy. Al 2019 jáne 2020 jyldary U-13 pen U-14 jas sanattary kúmis júldege qol jetkizip, 2022 jyly osy nátıjeni U-15 komandasy qaıtalady.

Aıta keteıik, 2025 jyly Vasılıı Smolın fýtzaldan Qazaqstan ulttyq quramasynyń bapkerler shtabynda da qyzmet atqarǵan.

Eske salsaq, 2027 jyly Qazaqstanda 19 jasqa deıingi quramalar arasyndaǵy Eýropa chempıonatynyń fınaldyq kezeńi ótedi. Atalǵan týrnırde Qazaqstan U-19 quramasy jarysqa qojaıyn el retinde qatysady.

Eske salsaq, fýtzaldan Qazaqstan quramasynyń burynǵy oıynshysy jańa qyzmetke taǵaıyndaldy.