Fýtzaldan Qazaqstan quramasynyń bas bapkeri koronavırýs juqtyrdy

NUR-SULTAN. QazAqparat - Fýtzaldan Qazaqstan quramasynyń bas bapkeri Rıkardo Kaka búgingi Eýropa chempıonaty fınaldyq satysyndaǵy Slovenııamen ótetin kezdesýine qatyspaıdy. Koronavırýs juqtyryp alǵan bapker qurama oıynyn onlaın basqarady, dep habarlaıdy QazAqparat tilshisi.

Bul jóninde Qazaqstan fýtbol federatsııas y málim etti

Fýtzaldan Qazaqstan quramasynyń bas bapkeri Rıkardo Kakanyń búgingi kezdesýge qatysa almaıtyny belgili boldy. Onyń mindetin kómekshisi Sergeı Korıdze atqarady.

Bas bapkerden bólek búgingi kezdesýge birqatar oıynshylar qatysa almaıdy. Dáýren Tursaǵulov pen Arnold Knaýb kovıd saldarynan oıynǵa shyǵa almaıdy.

Bas bapker olardyń ornyna oqý-jattyǵý jıynyna tolyq qatysqan «Atyraý» komandasynyń oıynshysy Ersultan Saǵyndyqovty shaqyrdy. Ol kelesi kezdesýde ǵana kómekke kele alady. Shyńǵys Esenamanov pen Albert Aqbalyqovtyń da syrqaty bar. Alaıda, olar búgingi oıynǵa qatysýy múmkin.

Qazaqstandyq fýtzalshylar búgin Slovenııamen sheberlik baıqasady. Kezdesý elorda ýaqytymen 22.30-da bastalyp, «Qazsport» telearnasynan tikeleı efırde kórsetiledi.

Eske salsaq, qazaqstandyq qurama V tobynda synǵa túsedi. Qarsylastary - Italııa, Slovenııa jáne Fınlıandııa.

Qazaqstandyq fýtzalshylar búgingi kezdessýden keıin 24 qańtarda Fınlıandııamen, 28 qańtarda Italııamen sheberlik baıqasady.