Fýtzaldan Qazaqstan quramasynyń burynǵy bapkeri jańa qyzmetke keldi

ASTANA. QazAqparat — Almatylyq «Qaırat» pen Qazaqstan ulttyq quramasynyń bas bapkeri Rıkardo Kamara Sobral (Kakaý) Birikken Arab Ámirligi quramasynyń tizginin ustady.

Kakaý 2013-2018 jyldarda Qazaqstan ulttyq quramasy men almatylyq «Qaırat» komandasynyń bas bapkeri boldy. Onyń jetekshiligimen ulttyq qurama 2016 jyly Eýropa chempıonatynda qolaǵa qol sozsa, «Qaırat» ÝEFA kýbogyn (2013, 2015) eki márte tóbesine kóterdi. 

Qazaqstannan keıingi qyzmetinde ol Kýveıt quramasymen Batys Azııa chempıonatynda jeńis tuǵyrynan kórindi.

Brazılııalyq maman rýmynııalyq «Aýtobergamo Deva» klýbyna bas bapker bolǵan kezeńde Rýmynııa kýbogynyń ıegeri atandy. Odan keıin Irak quramasy men rýmynııalyq «ıÝnaıted Galatı» komandasyna jetekshilik etti.

Al Qazaqstan ulttyq quramasy men almatylyq «Qaıratqa» 2018 jyldan bastap Kaka bas bapker bolsa, 2023 jyldan beri ol tek ulttyq qurama tizginin ustap keledi.