Fýtzaldan Qazaqstan chempıonaty pleı-off oıyndarynyń kúntizbesi anyqtaldy

ASTANA. KAZINFORM - Fýtzaldan Qazaqstan chempıonaty pleı-off oıyndarynyń kúntizbesi belgili boldy.

Jartylaı fınalda «Semeı» «Aqtóbemen» kezdesse, almatylyq «Qaırat» «Atyraýmen» sheberlik baıqasady. Jartylaı fınal oıyndary 7 maýsymda bastalady.

Jartylaı fınalda jeńimpaz úsh jeńiske deıin belgilengen. Al 3-oryn úshin komandalar eki jeńiske deıin básekege tússe, fınalda jeńimpaz úsh jeńis boıynsha anyqtalady.

Komandalar 7, 8, 13 maýsym kúnderi úsh kezdesý ótkizedi. Qajet bolǵan jaǵdaıda 13, 14, 18 maýsymda qosymsha oıyndar kózdelgen. Al 23, 27, 28 maýsymda komandalar 3-oryn úshin talassa, 23-24, 28-29 maýsymda jáne qajet bolǵan jaǵdaıda 5 shildede fınaldyq oıyndar ótkiziledi.

Fýtzaldan el birinshiligi 1998 jyldan beri turaqty túrde ótkizilip keledi. Qazirge deıin almatylyq «Qaırat» 20 márte jeńis tuǵyryna kóterildi.

Aıta ketsek, almatylyq ujym 2004 jyldan beri bas júldeni eshkimge ustatpaı kele jatqan edi.

Byltyr alǵash ret kúmis júldeni qanaǵat tutýǵa májbúr boldy.

2024 jyly alǵash ret «Semeı» komandasy chempıondyq ataqty jeńip aldy.

Sondaı-aq el birinshiliginde almatylyq «Álibı» (2000, 2001, 2002) — úsh márte, astanalyq «Jigitter» (2003) men rýdnyılyq «Aıat» (1999) bir-birden chempıon atanǵan edi.